ဓာတုဆေးများသတိနဲ့သုံးစွဲစေချင်

 တစ်နေ့က လက်ဖက်ရည်ဆိုင်မှာပိုးသတ်ဆေး၊ဓာတုဆေးများ နဲ့ပတ်သတ်ပြီး တောင်သူတစ်ယောက်နဲ့စကားစမြည်ပြောဖြစ်တယ်ဗျာ။

ပိုးသတ်ဆေးတွေအသုံးများပြီး သေဆုံးသွားသူများရှိကြောင်း ၊ ဓာတုမြေသြဇာတွေအသုံးပြုမှု စတာတွေ ဆွေးနွေးမိတယ်။ဒီတောင်သူလိုပဲအခြား ကျတော့်မိတ်ဆွေ တောင်သူကြီး များလည်း ပိုးသတ်ဆေး၊ဓာတုဆေး နဲ့သက်ဆိုင်တဲ့ဗဟုသုတအသိပညာတွေရှိလိမ့်မယ်လို့ယုံကြည်ပါတယ်။

ခက်တာက  ပိုးတွေဆို သေရင် ပြီးရော ၊ ဆေးပြင်းလား ပျော့လားမသိကြပဲ သုံးနေကြတယ်။ ဥပမာ

ခရမ်းချဥ်မှာကျ တဲ့သရစ်ပိုးကို Dinotefuran နဲ့ နှိမ်နင်းလို့ရတဲ့အခြေအနေမှာ Imidachloprid ၊Profenofos စတဲ့ ဆေးတွေသုံးတာမျိုး ပါ။ ပိုး စကျ ပြီဆိုကတည်းက ဆေးအပြင်းတွေ သုံးတာက ဖျက်ပိုးတွေသာမက မိတ်ဆွေပိုး တွေ မှာ ပါ ထိခိုက်မှုရှိတယ်ဆိုတာနားလည်သင့်ပါတယ်။ ခု ဆို လယ်ထဲမှာ ပုဇွန်လုံး ၊ တီကောင် ၊ ပုစဥ်း ၊လိပ်ခုံး ကျိုင်း စတဲ့မိတ်ဆွေပိုးတွေဟာ အင်မတန်နည်းပါးသွားတာကိုတွေ့ရပါတယ်။

ဓာတုဆေးတွေသုံး ကြရင်း အခုနောက်ပိုင်းမှာ ကျန်းမာရေး တွေထိခိုက်လာကြတယ်။အသည်း၊ နှလုံး ၊ကျောက်ကပ် ၊ကင်ဆာ ရောဂါတွေ ၊အာရုံကြောရောဂါတွေ စသဖြင့်ပေါ့...

အဓိက အားဖြင့် ဓာတုဆေး တွေ မှာ PHI( Pre Harvest Interval ) ဆို တဲ့ ဆေးဖျန်းပြီမရိတ်သိမ်းမီ စောင့်ဆိုင်းရတဲ့ ကာလ ဆိုတာရှိပါတယ်။ ဒါကို တောင်သူအများစုက သတိမမူပဲ ဆေးဖျန်းပြီးလည်း သီးနှံ တွေ ခူးဆွတ် ရောင်းချတာတွေလုပ်ကြတယ်။ ကျန်းမာရေး ဗဟုသုတရှိတဲ့အချို့ တောင်သူများအနေနဲ့ ဒီအချက်ကို သိပါ သော်လည်း ကျွန်တော်တို့ လူမျိုးက အသီးအရွက်ဆို စိမ်းစိုနေမှ ၊ လှ မှ ရွေး၀ယ်ချင်ကြပါတယ်။ ဒါ့ကြောင့်လည်း ရောင်းတန်း၀င်ကာလ မှာ   PHI ကိုမလိုက်နာနိုင်တော့ပဲ ခူးဆွတ်ရောင်းချ မှုတွေလုပ်နေရပါတယ်။

ကျန်းမာရေးချို့ယွင်းမှုတွေရှိလာတာနဲ့အမျှ စားသုံးသူများအနေနဲ့ GAP လက်မှတ်ရသီးနှံများ ၊ အချို့ဆို ပိုးပေါက်ပါတဲ့ အရွက် များ ကိုရွေး၀ယ်တာ ၊၀ယ်လာတဲ့ သီးနှံတွေကိုဆားရည်စိမ်ပြီးမှ သာစားသုံးနေကြတာကိုတွေ့ရတာ အင်မတန်၀မ်းသာရပါတယ်။နောက်များ မှာ လည်း စိုက်ပျိုးရေး ၊ကျန်းမာရေး အသိများတိုးတက်လာပြီး GAP market များ၊Organic Farmများ ပေါ်ပေါက်လာနိုင်ပါစေလို့ မျှော်လင့်ရင်း ...

#ကိုဇေ_တောင်သူဦးကြီး