🌿ပဲတီစိမ်း၊ မတ်ပဲစိုက်တောင်သူဦးကြီးများ နှစ်စဉ်နှစ်တိုင်း မိမိတို့၏ စိုက်ခင်းများတွင် ကြုံတွေ့နေရသော ပြဿနာတစ်ခုမှာ ခါးရိရောဂါပင်ဖြစ်သည်။ ခါးရိရောဂါသည် 🌿သီးနှံ အပင်ဦးရေကို လျော့နည်းစေရုံသာမက အထွက်နှုန်းကိုပါ လျော့ကျစေသည့်အတွက် ပဲတီစိမ်း၊ မတ်ပဲစိုက်တောင်သူဦးကြီးများအနေဖြင့် စိုက်ပျိုးချိန်တွင် ထိုရောဂါကို မလွဲမသွေ ရင်ဆိုင် ကြုံတွေ့နိုင်သည့်အတွက် ကြိုတင်ပြင်ဆင်နိုင်ရန် မျှဝေပေးခြင်းဖြစ်သည်။
🌿ခါးရိရောဂါသည် မြေဆောင်ရောဂါ တစ်မျိုးဖြစ်ပြီး ပဲတီစိမ်း၊ မတ်ပဲ အပင်အောက်ခြေပိုင်းဖြစ်သည့် ပင်စည်နေရာတွင် ရေစိုနာကွက် စတင်ဖြစ်ပေါ်သည်။ 🌿နောက်ပိုင်းတွင် အပင်ခါးရိလာပြီး အပင်အပေါ်ပိုင်းအလေးချိန်ကို မခံနိုင်သည့်အတွက် ယိုင်လဲမှုများ ဖြစ်ပေါ်လာသည်။ နောက်ဆုံးတွင် ရောဂါဒဏ်ကို မခံနိုင်သည့်အတွက်ကြောင့် စိုက်ခင်းများထဲတွင် အကွက်လိုက်သေဆုံးနေသည်ကို တွေ့ရမည်ဖြစ်ပါသည်။
🌿မျိုးတစ်မျိုးကို တစ်နေရာတည်း နှစ်စဉ်စိုက်ပျိုးပါက ခါးရိရောဂါ ကျရောက်တတ်ပါသည်။ ရောဂါဖြစ်စေသည့် သက်ရှိမှာ မြေကြီးထဲတွင် တစ်နှစ်ပတ်လုံးနေနိုင်သည့်အတွက် နောက်နှစ်မျိုးစေ့ချချိန်တွင် ကူးစက်ပြီး အပင်ငယ်စဉ် မြေတွင်းအစိုဓာတ်များချိန်တွင် အဓိကအားဖြင့် စတင်ကျရောက်ပါသည်။ 🌿ထို့ကြောင့် ဒေသမျိုးတစ်မျိုးထဲကို နှစ်စဉ်ဆက်တိုက်မစိုက်ပျိုးဘဲ သီးလှည့်စိုက်ပျိုးခြင်း၊ ရောဂါဒဏ်ခံနိုင်ရည်ရှိသော မျိုးများ ရွေးချယ်စိုက်ပျိုးခြင်းတို့ကို ပြုလုပ်ရမည်ဖြစ်သည်။
📌ကြိုတင်ကာကွယ်နိုင်မည့်နည်းလမ်းများ
🔶ဒေသနှင့်ကိုက်ညီပြီး ရောဂါဒဏ်ခံနိုင်ရည်ရှိသော မျိုးများကိုသာရွေးချယ်စိုက်ပျိုးပါ။
🔶သီးနှံမစိုက်ပျိုးမီ မဖြစ်မနေ ထည်ထိုး၊ ထွန်မွှေ ပေးပါ။
🔶နွားချေး၊ ကြက်ချေး စသော သဘာဝမြေဆွေးများကို မြေခံတွင် ထည့်ပေးပါ။
🔶စိုက်ခင်းကိုရေမဝပ်စေရန် အထူးဂရုစိုက်ပါ။
🔶နိုက်ထရိုဂျင် (ပုလဲ) မြေသြဇာများကို ပမာဏများများကျွေးခြင်းမှ ရှောင်ကျဉ်ပါ။
🔶ရောဂါကျရောက်လာပါက ရောဂါရအပင်များကို ဖယ်ရှားဖျက်ဆီးပါ။
🔶သီးနှံမစိုက်ပျိုးမီ မျိုးစေ့များကို မျိုးစေ့လူးနယ်ဆေး တစ်မျိုးမျိုးဖြင့် လူးနယ်ပြီးမှစိုက်ပျိုးပါ။
ထိုလုပ်ဆောင်ချက်များအတိုင်း လုပ်ဆောင်စိုက်ပျိုးနိုင်မည် ဆိုလျှင် ကောင်းမွန်သော သီးနှံအရေအသွေး နှင့် မြင့်မားသော အထွက်နှုန်းများကို ရရှိစေမှာ ဖြစ်ပါသည်။
🌿☘️🌿☘️🌿☘️ #Dampingoffdisease #greengram #blackgram
Comments
Post a Comment