"သီးနှံစိုက်ပျိုးရေးတွင် ယူရီးယား (ပုလဲ)နှင့်လက်ချားရော၍သုံးစွဲနည်း"
တစ်ဧကတစ်ကြိမ်ဖျန်းရန်အတွက်ယူရီးယား(၄)ပေါင်ခန့်နှင့် လက်ချား ၀.၅ ပေါင်ခန့် လိုအပ်ပါသည်။
ဖျော်စပ်နည်း-
ရေတစ်ဂါလံလျှင် ယူရီးယား ဟင်းစားဇွန်း (၄)ဇွန်းခွဲနှင့် လက်ချားမှုန့် ဟင်းစားဇွန်း(၁)ဇွန်းကို ပျော်အောင်ဖျော်ပါ။ (မှတ်ချက်-ပရဆေးဆိုင်မှ လက်ချားအားအပူပေးပြီး ပေါက်ပေါက်ကဲ့သို့ဖြစ်လာ ချိန်တွင် ပုလင်းဒလှိမ့်တုံးဖြင့် အမှုန့်ပြုလုပ်ပြီးမှ အသုံးပြုပါ)၊ (သို့မဟုတ်) လက်ချားအမှုန့်ကို ဝယ်ယူ အသုံးပြုပါ။
-ဖျန်းရန်အကြိမ် - ပန်းဖြိုင်ဖြိုင်ပွင့်ချိန် (၁)ကြိမ်၊
- ဖျန်းရန်ပမာဏ - တစ်ဧကလျှင် ၂၀ ဂါလံနှုန်း၊
- ဖျန်းရန်အချိန် - နံနက်စော၊ ညနေစောင်း၊ နေအေးသောအချိန်
ပဲမျိုးစုံသီးနှံအပေါ် အကျိုး သက်ရောက်မှု-
- ကုလားပဲ ၂၀ % ၊ ပဲတီစိမ်း- ၂၅ % ၊ မတ်ပဲ - ၃၀ % ၊ ပဲပုပ် ၄၀ % ပိုမိုထွက်ရှိနိုင်ပါသည်။
အကျိုးကျေးဇူးများ -
ကုန်ကျစရိတ်နှင့် လုပ်အားခသက်သာခြင်း၊ အာဟာရဓာတ်ပါဝင်မှု သေချာခြင်း၊ ပန်းပွင့်များ၍ ပန်းပွင့်ကာလ ရှည်ခြင်း ၊ သီးတောင့်များ၍ အစေ့ အရည်အသွေးကောင်းခြင်း၊ ပိုးမွှား ရောဂါဒဏ်ခံနိုင်ရည်ရှိခြင်း။
ဖော်ပြပါနည်းလမ်းသည် ကုန်ကျစရိတ်သက်သာပြီး အလွန်လွယ်ကူသောနည်းလမ်း ဖြစ်သည့်အပြင် ပဲမျိုးစုံ အထွက်တိုးရေးအတွက် တောင်သူကိုယ်တိုင် ဖျော်စပ် အသုံးပြုနိုင်သော နည်းလမ်းကောင်းတစ်ခုဖြစ်၍ အခြား သီးနှံများအတွက်လည်း အသုံးပြုနိုင်ပါသည်။
#တောင်သူဦးကြီး_taungthuoogyi
Comments
Post a Comment