ပဲသီးနှံများတွင်ပဲမြစ်ဖုဇီဝမြေဩဇာအသုံးပြုနည်း
ပဲမြစ်ဖုမြေဩဇာဆိုတာ
ပဲမြစ်ဖုမြေဩဇာဟာ ပဲပင်များ၏အမြစ်များတွင် မြစ်ဖုကလေးများကိုဖြစ်ပေါ်စေပါတယ်။အဲဒီမြစ်ဖုကလေးတွေဟာလေထဲမှနိုက်ထရိုဂျင်ကိုစုပ်ယူပြီးပဲပင်ကိုအကျိုးပြုနေတာဖြစ်ပါတယ်။ပဲမြစ်ဖုဇီဝမြေဩဇာထဲတွင် ရိုက်ဇိုဘီယမ်လို့ခေါ်တဲ့ဘက်တီးရီးယားများပါဝင်တာဖြစ်ပါတယ်။သို့သော်ပဲတစ်မျိုးနဲ့တစ်မျိုး မျိုးကွဲများမတူနိုင်ပါ။
ဒီတော့ပဲစိုက်ပျိုးရင်မြေကြီးထဲမှာစိုက်တဲ့ပဲမျိုးနဲ့ကိုက်ညီတဲ့ ပဲမြစ်ဖုဖြစ်ပေါ်စေတဲ့ဇီဝမြေဩဇာတည်ရှိမှုဟာအလွန်နည်းပါးပါတယ်။ဒီအခါမှာပဲစိုက်လိုက်ရင် ပဲပင်အမြစ်တွေမှာ ဇီဝမြေဩဇာအမြစ်ဖုကလေးတွေ မဖြစ်ပေါ်တော့ပါဘူး။အမြစ်ကလေထဲမှနိုက်ထရိုဂျင်ဓာတ်ကိုစုပ်ယူပြီးအပင်ပေးပို့မှုမှာလည်းချို့တဲ့သွားပြီးအပင်ဖြစ်ထွန်းမှုကိုနှေးကွေးသွားစေပါတယ်။ဒါကြောင့်ပဲမြစ်ဖုဇီဝမြေဩဇာကိုမဖြစ်မနေအသုံးပြုသင့်တာဖြစ်ပါတယ်။သို့မှသာ ပဲမြစ်ဖုဇီဝမြေဩဇာတွင်ပါရှိသောဘက်တီးရီးယားများဟာမြေတွင်းမှာရှိနေပြီးပဲပင်အမြစ်မှာ အမြစ်ဖုကလေးများဖြစ်ပေါ်မှုကို အကျိုးပြုနေမှာဖြစ်ပါတယ်။
အသုံးပြုနည်း
ပဲမြစ်ဖုမြေဩဇာကိုမျိုးစေ့နှင့်လူးနယ်စိုက်ပျိုးရပါသည်။လူးနယ်ရာတွင်ပဲစေ့များနှင့်ပဲမြစ်ဖုမြေဩဇာများတွယ်ကပ်မှုကောင်းစေရန်လိုအပ်ပါသည်။
လူးနယ်ပြီးနောက်နေရောင်ခြည်နှင့်တိုက်ရိုက်မထိတွေ့သောနေရာတွင်လေသလပ်ခံပြီးမှကြဲပက်အသုံးပြုရပါမည်။
တစ်ဧကလျှင်ပဲမြစ်ဖုမြေဩဇာတစ်ထုတ်နှုန်းအသုံးပြုရပါမည်။ပိုသုံးနိုင်လျှင် ပိုအကျိုးရှိစေပါသည်။
ပဲမြစ်ဖုမြေဩဇာကိုအသုံးပြုလျှင်မြေချဉ်ငံဓာတ်လွန်ကဲသောမြေမဖြစ်ရပါ။pH 5.5အထက်ရှိရပါမည်။
#တောင်သူဦးကြီး_taungthuoogyi
Comments
Post a Comment