စိုက်ခင်းမီးရှို့ခြင်းက ကောင်းသလား/ဆိုးသလား?
သီးနှံစိုက်ခင်းတွေရိတ်သိမ်းပြီးချိန်မှာ မီးရှို့တဲ့အလေ့အထကို ကျင့်သုံးတဲ့ တောင်သူတွေရှိကြပါတယ်။ အခုလိုပြုလုပ်ခြင်းဟာ သီးနှံအကြွင်းအကျန်များကို အလွယ်တကူရှင်းလင်းရန်အတွက် ပြုလုပ်ကြခြင်းပါ။ ယနေ့မှာတော့ ရိတ်သိမ်းပြီးနောက် စိုက်ခင်းကိုမီးရှို့ခြင်းဟာ ကောင်းသလား ဆိုးသလားဆိုတာကို ဗဟုသုတရစေရန် ဖော်ပြပေးသွားမှာပဲဖြစ်ပါတယ်ခင်ဗျာ။
အကျိုးကျေးဇူးများ- သီးနှံအကြွင်းအကျန်များကို ကုန်ကျစရိတ်သက်သာစွာဖြင့် အလုပ်မရှုပ်ပဲ လွယ်ကူလျင်မြန်စွာရှင်းလင်းနိုင်ပါတယ်။ - မြေဆောင်ရောဂါများကို နှိမ်နင်းပေးနိုင်ပါတယ်။- မီးရှို့လိုက်တဲ့အခါ ပေါင်းမျိုးစေ့တွေကို သေစေပါတယ်။- မြေဆီလွှာအတွက် ဖော့စဖောရပ်နှင့် ပိုတက်စသော အာဟာရဓါတ်များကို ပြာမှတစ်ဆင့် ရရှိနိုင်ပါတယ်။
ဆိုးကျိုးများ- မီးရှို့ခြင်းကြောင့် သီးနှံအကြွင်းအကျန်များမှ ရရှိနိုင်သောအာဟာရများနှင့် မြေကြီးအတွင်းရှိ အော်ဂဲနစ်ပစ္စည်းများကိုပါ ဆုံးရှုံးစေနိုင်ပါတယ်။- အကျိုးပြုအဏုဇီဝပိုးတွေကို သေစေနိုင်ပါတယ်။- မီးရှို့လိုက်တဲ့အခါမှာ မြေအပူချိန်တက်လာပြီး မြေမျက်နှာပြင်ကိုမာစေပါတယ်။- မြေကျပ်သွားသည့်အတွက် မြေကြီးအတွင်းသို့ ရေစိမ့်ဝင်နိုင်စွမ်းကို ကျဆင်းစေပါတယ်။- လေထုညစ်ညမ်းမှုကိုလည်း ဖြစ်ပွားစေပါတယ်။
References – HtwetToe
#တောင်သူဦးကြီး_taungthuoogyi
Comments
Post a Comment