🍄မှိုစိုက်ပျိုး နည်း

🍄 မိူစိုက်ပျိုးနည်း

1. ကောက်ရိုး၊ ရိုးဖြတ်ဖြင့်မိူစိုက်ပျိုးနည်း

2. စပါးခွံဖြင့် မိူစိုက်ပျိုးနည်း

3. ဗေဒါ၊ နွားချီးဖြင့် မိူစိုက်ပျိုးနည်း 

ယခုကောက်ရိုး၊ ရိုးဖြတ်ဖြင့် မိူစိုက်ပျိုးနည်းကို ပြောပြမေးမှာဖြစ်ပါတယ်

 မှိုစိုက်ပျိုးပုံ အဆင့်ဆင့် 

အဆင့်- ၁ - ကောက်ရိုးများကို အလျား (၃) ပေ၊ အချင်း (၈ မှ ၁၀) လက်မ အရွယ် အထုံးများ ရရှိစေရန် ကျစ်လစ်စွာ ထုံးရပါမည်။ 

အဆင့်- ၂ - ကောက်ရိုးထုံးများကို ရေ (၁) ညအိပ် စိမ်ပါ။ - ရေစိမ်ပြီး ကောက်ရိုးထုံးများကို (၁ မှ ၂) နာရီခန့်ကြာအောင် ရေစစ်ရပါမည်။ 

အဆင့်- ၃ - ကောက်ရိုးထုံးများကို အလွှာလိုက် စီရမည်ဖြစ်ရာ၊ ပထမအလွှာအတွက် ကောက်ရိုးထုံး (၇) ထုံးကို ကပ်၍စီပါ။ - ထိုအလွှာ၏ ဘေးပတ်လည်အနားမှ (၃) လက်မ အကွာခန့်မှ စ၍ မှိုမျိုးထုပ် (၁) ထုပ်ကို ညီညီညာညာ ဖြူးထည့်ပေးရပါမည်။ 

အဆင့်- ၄ - ပထမ ကောက်ရိုးထုံး အလွှာအပေါ်တွင် ဒုတိယ ကောက်ရိုးထုံးအလွှာကို ကန့်လန့်အနေအထား စီချရမည်ဖြစ်ပါသည်။ - ထို့နောက် ပထမအလွှာကဲ့သို့ပင် မှိုမျိုးထုပ် (၁) ထုပ်ကို ညီညာစွာ ဖြူးထည့်ပေးရပါမည်။ - ထိုကဲ့သို့ ကောက်ရိုးထုံးအလွှာပြုလုပ်၍ မှိုမျိုးထုပ် ဖြူးခြင်းကို စတုတ္ထအလွှာ ရသည်အထိ ပြုလုပ်ရပါမည်ဖြစ်ခြင်းကြောင့်၊ မှိုမျိုးထုပ် (၄) ထုပ် အသုံးပြုရန် လိုအပ်မည်ဖြစ်ပါသည်။ - စတုတ္ထကောက်ရိုးထုံးအလွှာ ပြုလုပ်၍ မှိုမျိုးထုပ်ဖြူးခြင်းအဆင့်ဆင့်ကို ဆောင်ရွက်ပြီးစီးပါက၊ အဆိုပါ စတုတ္ထအလွှာပေါ်တွင် ပဉ္စ္စမမြောက် (၅) လွှာအဖြစ် ကောက်ရိုးထုံးများကို စီရပါမည်။ - အဆိုပါ အပေါ်ဆုံးအလွှာဖြစ်သည့် ကောက်ရိုးအလွှာ (၅) လွှာမြောက်တွင် မှိုမျိုးထုပ် ဖြူးထည့်ပေးရန် မလိုပါ။ 

အဆင့်- ၅ - ကောက်ရိုးထုံး အလွှာ (၅) လွှာနှင့် မှိုမျိုးထည့်ပြီးထားသော ကောက်ရိုးထုံးအပုံကို ပလပ်စတစ်ဖြင့် သေချာအုပ်ပေးထားရပါမည်။

 အဆင့်- ၆ - ပလပ်စတစ်အုပ်ထားသော ကောက်ရိုးထုံးအပုံကို အရိပ်ရစေရန် သက်ကယ် (သို့မဟုတ်) ကဒ်ထူစက္ကူဖြင့် ထပ်မံအုပ်ထားပေးရပါမည်။ 

အဆင့်- ၇ - မှိုမျိုးစိုက်ပြီး (၁၀) ရက်ခန့်အကြာတွင် မှိုသန္ဓေခဲများကို စတင်တွေ့ရှိမည် ဖြစ်ပါသည်။ - စိုက်ပြီး (၁၄- ၁၅) ရက်ခန့် (၂ ပတ်ခန့်) အကြာတွင် မှိုများကို စတင်ခူးနိုင်ပြီး၊ အနည်းဆုံး (၄) ကြိမ်မှ အများဆုံး (၆ - ၈) ကြိမ်အထိ ခူးနိုင်ပါသည်။ - မှိုအထွက်မှာ (၁. ၅) ပိဿာမှ (၃) ပိဿာ အထိ ထွက်နိုင်ပါသည်။

 မူရင်း- စပါးဇီဝဥယျာဉ်ဌာနစု၊ စိုက်ပျိုးရေးသုတေသနဦးစီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ ထုတ်ဝေသည့် ကောက်ရိုးအသုံးပြု၍ မှိုစိုက်ပျိုးခြင်းပညာပေးလက်ကမ်းစာစောင်