EM ပြုလုပ်နည်း တောင်းဆိုထားသော တောင်သူဦးကြီးများအတွက် ပြုလုပ်နည်းဖြစ်ပါတယ်
အလွယ်တကူ လိုက်ပြီး ပြုလုပ်နိုင်ကြပါစေEM ပြုလုပ်နည်း (Effective Microorganism)
လိုအပ်သောပစ္စည်းများ
(၁)ငှက်ပျောသီးမှည့် - ၁ ပိဿာ
(၂)သင်္ဘောသီးမှည့် - ၁ ပိဿာ
(၃)ဖရုံသီး - ၁ ပိဿာ
(၄)တင်လဲရည် သို့မဟုတ် ထန်းလျက်ရည်ကြို - ၂ လီတာ
(၅) ကြက်ဥ - ၅ လုံး
(၆) ဖွဲနု နို့ဆီ ၁ဗူး / ၁၀၀ ဂရမ်
(၇) ရေ - ၃ လီတာ
(၈) ရေသန့်ပုံး / စဥ့်အိုး / ပလက်စတစ်ပုံး (ရေ၂၀လီတာဆန့်သော)
ပြုလုပ်နည်းအဆင့်ဆင့်များ
ငှက်ပျောသီး၊ သင်္ဘောသီး၊ ဖရုံသီးတွေကို ၁လက်မအရွယ်လေးတွေ ခုတ်စင်းပါ။ (အသီးတွေ ရေဆေးစရာမလိုပါဘူး၊ သဘာဝသီးများ ပိုကောင်းပါတယ်)
တင်လဲရည်နဲ့ ရေ ၃လီတာထည့်မွှေထားပါ။
အသီးများကိုပြုလုပ်မယ့်ပုံးထဲသို့ထည့်ပါ။
ကျန်သောပါဝင်ပစ္စည်းများဖြစ်တဲ့ ကြက်ဥ၊ဖွဲနုကိုလည်း ထည့်ပါ။
တင်လဲရည်နှင့်ရေဖျော်ထားတာကိုထည့်ပြီး နှံ့စပ်အောင်မွှေပေးပါ။
ပြီးနောက် အဖုံးအောက် ပလက်စတစ်စ တစ်ထပ်ခံပြီး လေလုံအောင်ဖုံးပေးပါ။
အခန်းအပူချိန်နဲ့ မှောင်သောနေရာတွင်ထားပါ။
၅ ရက်ခြားတစ်ခါ / ၁ပတ်တစ်ခါ မွှေပေးပါ။
ဆန်ဆေးရည်ချန်ထားပြီးထည့်မွှေပေးလို့ရပါတယ်။
၂ လကြာရင် ချဥ်စူးစူးနဲ့အနံ့မွှေးမွှေးလေးရလာရင် အသုံးပြုလို့ရပါပြီ။
အပြင်းဆုံးအဆင့်/ အဆင့် ၁ ဖြစ်တဲ့အတွက်ကြောင့် အရည်ကိုစစ်ယူပြီး ထပ်ပွားထားလို့ရပါတယ်။
ပထမရလာတာက အပြင်းပါ
အသင့်သုံးပြုလုပ်ချင်တာ ထပ်ပွားချင်ရင် ဆေးရည်၊ တင်လဲရည် နှင့်ရေ အချိုးအစားကို ၁:၁:၂၀ နဲ့ပွားထားလို့ရပါတယ်။
ပွားနေချိန်ကို အနည်းဆုံး ၁ပတ် ထားပြီးမှ ထုတ်သုံးပါ။
ပိုးတွေက active ဖြစ်နေချိန်ဆိုရင် ဗူးထဲထည့်သိမ်းထားချိန် အဖုံးကန်ထွက်တတ်တာကြောင့်ဗူးကို လေဟာနယ် ချန်ပေးရပါမယ်။
သက်တမ်းက သိမ်းထားပုံ၊ ပွားထားပုံ မူတည်ပြီး အနည်းဆုံး ၆ လ မှ ၁ နှစ်လောက်ထိ ရပါတယ်။
အသုံးပြုပုံများ
ဖျန်းဆေးအနေနဲ့ EMကို ရေ ၄ ဂါလံဆန့်ဆေးဖျန်းပုံး တစ်ပုံးကို ဆေးရည် ၁၀၀ စီစီ ထည့်ဖျန်းလို့ရပါတယ်။ ၁ ဗူးထည့်လည်း ရပါတယ် ။
လိုအပ်သောအာဟာရဓါတ်တွေနဲ့ မြေအဏုဇီဝပိုးများကြောင့်ကြီး၊ အပင်၊ အသီး၊ အရွက် အကုန်လုံးအတွက်အကျိုးပြုအားဆေးဖြစ်ပါတယ်။
မြေဆွေးပုံ ပုံရာတွင်လည်း EM ၁ လီတာ ရေ ၉၉ လီတာ တင်လဲရည် ၁ = ၁၀၀ လီတာ ဖြန်းပြီး အသုံးပြုလို့ရပါတယ်။
ကြက်၊ဘဲ ငါးကန် တိရိစ္ဆာန်မွေးမြူရေးခြံတွေမှာလည်း အနံ့ဆိုးများပျောက်စေရန်အတွက်လည်း အသုံးပြုနိုင်ပါတယ်။
အိမ်သာအနံ့အတွက်လည်း သက်သာစေရန်အသုံးပြုနိုင်ပါတယ်။ ရေ အဆ ၂၀၀ နှင့်ရောစပ်ဖျန်းပေးလို့ရပါတယ်
Ref:သြဂဲနစ်စိုက်ပျိုးနည်းစနစ်များ
#တောင်သူဦးကြီး_taungthuoogyi
Comments
Post a Comment