ကြက်သွန်ဖြူ ပိုးနှင်ဆေးပြုလုပ်သုံးစွဲနည်း
ပါ၀င်ပစ္စည်းများ
ကြက်သွန်ဖြူ ၆၀ ကျပ်သား
အရက်ဦးရေ ၁ လီတာ
ရှာလကာရည် ၅၀၀ စီစီ
ပြုလုပ်ပုံ
ကြက်သွန်ဖြူများ ကို ကျေညက် အောင် ကျိတ်/ထောင်းပါ။
၅ ဂါလံ ဆံ့ ပုံး အလွတ်ထဲသို့ ကျိတ်ပြီးသား ကြက်သွန်ဖြူ များ ကို ထည့်ပါ ။
ပြီးနောက် အရက်ဦးရေ၊ ရှာလကာရည်များကိုထည့်ပါ။
ထို့နောက် ရေထည့်ပြီး အ၀တ်ပါးပါးနဲ့အုပ်ပါ ။
တစ်နေ့တစ်ကြိမ် မွှေပေးပါ။
၇ ရက်ပြည့်လျှင်အသုံးပြုလို့ရပါပြီဗျ။
အသုံးပြု ရန် နှုန်း
ဆေးဖျန်းပုံး ၅ဂါလံ တစ်ပုံးလျှင်
အပင်သက်တမ်းငယ်ပါက ၂၀မှ ၃၀ စီစီ
အပင်သက်တမ်းကြီးပါက ၄၀ စီစီ အသုံး ပြု နိုင်ပါတယ်။
ဆေးနှုန်းထား များ ရင် အပင်တွေလောင်တတ်ပါတယ်ဗျ။
ပြုလုပ် ပြီး ၃ပတ် ခန့်အထိ သိုလှောင် နိုင်ပါတယ်။
မှတ်ချက်-အသုံးပြုချိန်တွင် အဖတ်များကိုစစ်ပြီးမှ အသုံးပြုပါဗျ။ မဟုတ်ရင် ဆေးဖျန်းပိုက်ထဲ မှာကြက်သွန်ဖြူဖတ်တွေပိတ်တတ်ပါတယ်။
တောင်သူများ အဆင်ပြေ အောင်မြင်ကြပါစေ။
Comments
Post a Comment