ယခုဖော်ပြမယ့် နှုန်းထားက မိမိနေအိမ် ခြံဝန်းအတွင်း တနိုင်တပိုင် ပေါင်းနှိမ်နင်းရာမှာ အသုံးပြုရမယ့် နှုန်းထားဖြစ်ပါတယ်။
ထည့်သွင်းရမယ့်နှုန်းထားကတော့
- ရှာလကာရည် ၁ ဂါလံ (အက်စစ်ဓာတ်ပါဝင်မှု ၅ ရာခိုင်နှုန်း)
- အိမ်သုံးဆား ၁ ခွက် (လက်ဖက်ရည်ပန်းကန်လုံး)
- ဆပ်ပြာအရည် ထမင်းစားဇွန်း ၁ ဇွန်း
၎င်းတို့ကို ရောစပ်ကာ အပြည့်အဝ ပျော်ဝင်သည်အထိ သေချာစွာမွှေပေးရမှာ ဖြစ်ပါတယ်။ အပြည့်အဝ ပျော်ဝင်ပြီဆိုရင်တော့ ဆေးဖျန်းနိုင်ပြီ ဖြစ်ပါတယ်။
ဒီသဘာဝပေါင်းသတ်ဆေးကို အသုံးမပြုခင် သိထားရမယ့် အချက်အလက်တချို့ရှိပါသေးတယ်။ အောက်ဖော်ပြပါအတိုင်း ဖြစ်ပါတယ်။
- ရှာလကာရည်ပေါင်းသတ်ဆေးမှာ ဓာတုဆေးတွေလို ရွေးချယ်ပေါင်းသတ်ပေးတဲ့ အာနိသင်မရှိတာကြောင့် အသုံးပြုရာမှာ အခြားသောအပင်တွေကို မထိခိုက်စေဖို့ သတိပြုသင့်ပါတယ်
- လေမတိုက်ဘဲ နေသာတဲ့အချိန်မျိုးတွေမှာ ဆေးဖျန်းသင့်ပါတယ်။ နေရောင်ဟာ ရှာလကာရည်ကြောင့် ပေါင်းပင်တွေ ခြောက်သွေ့သွားအောင် ကူညီပေးနိုင်ပါတယ်။ လေတိုက်နေရင် မလိုတဲ့နေရာကို ဆေးတွေရောက်သွားနိုင်တာကြောင့် သတိပြုသင့်ပါတယ်
- ရှာလကာရည်ပေါင်းသတ်ဆေးဟာ ပေါင်းပင်တွေရဲ့ အမြစ်ကိုတိုက်ရိုက်မထိတွေ့ပဲ အပေါ်ဘက် အစိတ်အပိုင်းတွေကိုသာ ထိခိုက်ပျက်စီးစေနိုင်တာကြောင့် ကြီးမားတဲ့ ပေါင်းပင်တွေနှိမ်နင်းမယ်ဆိုရင် သေချာ အသုံးပြုသင့်ပါတယ်
- တစ်ရာသီခံပေါင်းပင်တွေကိုတော့ အလွယ်တကူနှိမ်နင်းနိုင်ပေမယ့် နှစ်ရှည်ပေါင်းတွေကို နှိမ်နင်းရာမှာတော့ ခက်ခဲနိုင်တာကြောင့် စနစ်တကျနဲ့ အကြိမ်ကြိမ်အသုံးပြုပေးဖို့ လိုအပ်ပါတယ်
ပေါင်းသတ်ဆေးအသုံးပြုရာတွင် မနက်(၉)နာရီခန့်ဖျန်းပြီးမိုးရွာ/ရေလောင်းခြင်းကို ၆နာရီလွတ်လျှင်ဆေးအာနိသင်ပိုမိုထိရောက်ပါတယ် အဘယ်ကြောင့်ဆိုသော် ထိုအချိန်တွင် ဆေးသည်နေရောင်ခြည်နှင့် ကောင်းစွာဓာတ်ပြုနိုင်ပြီး အရွက်များ၏ stomata များပွင့်ချိန်နှင့် တိုက်ဆိုင်ပြီး ဆေးရည်ကောင်းစွာ စိမ့်ဝင်ရန်အခြေနေကောင်းပါတယ်။
#တောင်သူဦးကြီး_Taungthuoogyi
Comments
Post a Comment