ကြဲခင်းလည်းစိုက်ခင်းလောက်ထွက်နိုင်ပါသည်
ကွင်းဆင်း သွား တိုင်းမေးကြည့်လိုက်တဲ့အခါ
"ဦးလေးတို့ကတော့ ကြဲပစ်လိုက်တာပဲ"
ဆို တဲ့ စကား တွေ ကတော့ ၁၀၀မှာ ၉၀လောက်ကြားခဲ့ရပါတယ်။(တစ်ချို့ဆိုကြဲပြီးမှကြွက်၊ငှက်၊ပုရစ် စား လို့ ပြန်ကြဲရတာမျိုးတွေလဲရှိပါတယ်။
အဲ့ဒီတော့ မျိုးဖိုး ၂ခါကုန်ရတာပေါ့။)
အချိန်မှီစိုက်ပြီးချင်တာကတစ်ကြောင်း၊ငွေကြေးကုန်ကျစရိတ်လျော့လိုသည်အတွက်တစ်ကြောင်း
ကျွန်တော် တို့တောင်သူတွေက အမြဲ ဘာသီးနှံ၊ဘာမျိုးစေ့ ပဲစိုက် စိုက် ကြဲပစ်လိုက်ကြတော့တယ်။
ကြဲ စိုက်တော့ဘာဖြစ်သလဲ?။သီးနှံမထွက်ဘူးလားဆိုတော့ လည်းထွက်ပါသည်။ ဒါ့ကြောင့်လည်း တောင်သူအများစုက အလွယ်တကူလုပ်နေကြခြင်းဖြစ်ပါတယ်။
အမှန်တကယ်သေချာစနစ်တကျလုပ်မည်ဆိုပါက
ကြဲပက်စိုက်ခြင်းသည်အတန်းလိုက်စိုက်ပျိုးခြင်းလောက်ပင်သီးနှံအထွက်နှုန်းကောင်းမွန်ပါသည်။
ကြဲပက်စိုက်ပျိုးခြင်းရဲ့ကောင်းကျိုးများအနေနဲ့
အချိန်မှီစိုက်ပျိုးနိုင်ခြင်း
လုပ်အားခ သက်သာခြင်း
အကျိုးတွေရရှိနိုင်ပါတယ်။
ကြဲပက်စိုက်ပျိုးခြင်းရဲ့ဆိုးကျိုး များ အနေနဲ့
ပေါင်းမြက်ရှင်းလင်းရာမှာခက်ခဲခြင်း
တိရစ္ဆာန်ဖျက်ဆီးမှုရှိခြင်း
မျိုးနှုန်းထားပိုမိုသုံးစွဲရခြင်း
အပင်ကြပ်တဲ့အတွက်လေ၀င်လေထွက်မကောင်းခြင်း
ရောဂါ၊ပိုးမွှားကျလွယ်ခြင်း
စတဲ့အကျိုးဆက်တွေ ဖြစ်ပေါ် နိုင် ပါ တယ်။
ကြဲပက်စိုက်ခြင်းဖြင့်သီးနှံအထွက်တိုးစေရန် ---
မျိုးကောင်းမျိုးသန့်များအသုံးပြုခြင်း
မျိုးစေ့လူးနယ်ဆေးအသုံးပြုခြင်း
စိုက်ခြင်းမြေပြင်ချိန်တွင်ပေါင်းမြက်များပြောင်စင်အောင်ကောက်ခြင်း
သဘာ၀မြေသြဇာ၊တိရစ္ဆာန်ချေး များသုံးစွဲခြင်း
အစ ရှိ တဲ့အချက်များအတိုင်းဆောင်ရွက်ပါကစိုက်ခင်းနည်းတူ ကြဲခင်းသည်လည်း အထွက်နှုန်း ကောင်းမွန်မည်မှာ မလွဲဧကန် ဖြစ်ပါသည်။
#ကိုဇေ_တောင်သူဦးကြီး
Comments
Post a Comment