စိုက်ပျိုးစရိတ်၊ သွင်းအားစု ၊ မျိုးစေ့စျေးနှုန်းများကြီးမြှင့်လာသည်နှင့်အမျှ တောင်သူများသည်လည်းသီးနှံစိုက်ပျိုးထုတ်လုပ်ရာမှာ အလေအလွင့်မရှိစေရန် ဂရုတစိုက် လုပ်ဆောင်လာ ကြပါတယ်။
ကျွန်တော့်မိတ်ဆွေ တောင်သူဦးကြီးများနဲ့ စကားလက်ဆုံ ပြောမိခဲ့အခါမှာ ယခင်နှစ်များက ထက်
မျိုးနှုန်းထား ကို လျော့ သုံးစွဲ လာကြတာကိုတွေ့ရတဲ့အတွက်များစွာ ၀မ်းသာရပါတယ်။
"ပုံမှန်ဆို ၂၊၃ တင်း ကြဲတာ အခု တော့ Seederနဲ့ ချမယ်ကွာ ၊အပင်ပေါက်လဲကောင်း လိုချင်သလိုမျိုးစေ့အထူအပါး ချိန်လို့လဲ ရတဲ့အတွက် အဆင်ပြေ တယ် " ဆို တဲ့ စကားသံတွေ ကြားသိ ခဲ့ ရပါတယ်။
ကြဲခင်း လည်း တကယ် ကောင်းရင် အထွက်ပိုနိုင်ပါတယ်။သို့သော် ကြဲခင်းမှာ ကြွက်၊ငှက် များဖျက်ဆီးမှု မှ ကာမိစေရန် မျိုးစေ့ ကိုလိုတာထက်ပိုသုံးကြပါတယ်။ ကျွန်တော် တောင်သူ တစ်ယောက် ပြောတာလေး သဘောကျ လို့ "ဦးလေးတို့က သေချာ တာ ကို ပဲ လုပ်တယ်၊မျိုးမှာ များ များ သုံး ပြီး အပင်ပေါက်စုံမှ တွက်ခြေကိုက်တယ် " ဆို တဲ့ စကားလေးပေါ့။
သူ့စကားသူ က ဟုတ်နေ သည်။ ဒါပေမယ့် မျိုးစေ့ ၁တင်း ကုန်မယ့် ကိစ္စ ၂ဆ ၃ဆ ကုန်နေတာတော့ လက်မခံပါ။ကျွန်တော်ရှင်းပြတော့မှ သဘောပေါက် ပြီး Seederနဲ့မျိုးစေ့ချမယ်ကွာ တဲ့။
မျိုးစေ့နှုန်းကိုချွေတာတဲ့အတွက် ကုန်ကျစရိတ်သက်သာမယ်၊ အပင်ပေါက်ညီမယ်၊ လေ၀င်လေထွက်ကောင်းမယ်၊ မြေသြဇာ သွင်းအားစု ထည့်ရ အဆင်ပြေ မယ် ဒီ အချက်တွေနဲ့တင် အဆင်ပြေ နေ ပြီလို့ ကျွန်တော် ယူဆပါတယ်။
ကျွန်တော့် တောင်သူဦးကြီးတွေ ယခင်မိရိုးဖလာနည်းတွေအစား စိုက်ပျိုးနည်းပညာအသစ်တွေ နဲ့ အထွက်တိုးကြပါစေလို့ဆုတောင်းရင်း....
#ကိုဇေ_တောင်သူဦးကြီး
Comments
Post a Comment